প্ৰধানমন্ত্ৰীৰ উপদেষ্টা তথা প্ৰাক্তন পেট্ৰ’লিয়াম সচিব তৰুণ কাপুৰ নুমলীগড় শোধনাগাৰ পৰিদৰ্শন:

নুমলীগড় ৰিফাইনেৰীত তৰুণ কাপুৰৰ পৰিদৰ্শন: গুৰুত্বপূৰ্ণ প্ৰকল্পৰ অগ্ৰগতি পৰ্যালোচনা

নিউজ ডেক্স, ২৪ এপ্ৰিল: দেশৰ প্ৰধানমন্ত্ৰীৰ উপদেষ্টা তথা প্ৰাক্তন পেট্ৰ’লিয়াম সচিব তৰুণ কাপুৰে (অৱসৰপ্ৰাপ্ত IAS, ) আজি নুমলীগড় ৰিফাইনেৰী লিমিটেড পৰিদৰ্শন কৰে। এই ভ্ৰমণৰ মূল উদ্দেশ্য আছিল ৰিফাইনেৰীটোৰ চলি থকা বৃহৎ প্ৰকল্পসমূহৰ স্থিতি পৰীক্ষা কৰা। পৰিদৰ্শনকালত তেওঁ বিশেষকৈ দুটা অভিলাষী প্ৰকল্পৰ অগ্ৰগতিৰ ওপৰত গুৰুত্ব আৰোপ কৰে।

নুমলীগড় ৰিফাইনেৰী এক্সপানশ্যন প্ৰজেক্ট (NREP)ৰিফাইনেৰীৰ সামগ্ৰিক উৎপাদন ক্ষমতা বৃদ্ধিৰ বাবে চলি থকা কাম আৰু অসম বায়ো-ৰিফাইনেৰী প্ৰাইভেট লিমিটেড (ABEPL):জৈৱ-ইন্ধন উৎপাদনৰ দিশত এক বৈপ্লৱিক পদক্ষেপ।

শ্ৰী কাপুৰে সংশ্লিষ্ট বিষয়াসকলৰ সৈতে এই প্ৰকল্পসমূহৰ অগ্ৰগতিৰ বিষয়ে বিতং আলোচনা কৰাৰ লগতে নিৰ্মাণ কাৰ্য চলি থকা স্থানসমূহো (Site visit) পৰিদৰ্শন কৰে। 

নতুন প্ৰযুক্তিৰ উদ্বোধন

পৰিদৰ্শনৰ অংশ হিচাপে শ্ৰী কাপুৰে ৰিফাইনেৰীটোৰ দক্ষতা বৃদ্ধিৰ বাবে দুটা গুৰুত্বপূৰ্ণ কাৰিকৰী ইউনিট উদ্বোধন কৰে:

 SRR (Semi-Regenerative Reforming) ইয়াৰ জৰিয়তে ইন্ধনৰ গুণগত মান উন্নত হ’ব।

 DCS (Distributed Control System) ইয়াৰ দ্বাৰা ৰিফাইনেৰীৰ ডিজিটেল নিয়ন্ত্ৰণ আৰু পৰিচালনা ব্যৱস্থা অধিক শক্তিশালী হ’ব।

এই আধুনিক প্ৰযুক্তিসমূহে ৰিফাইনেৰীটোৰ উৎপাদন ক্ষমতা বৃদ্ধি কৰাৰ লগতে ডিজিটেল ব্যৱস্থাপনাৰ ক্ষেত্ৰত এক নতুন মাত্ৰা প্ৰদান কৰিব।